Bydd y seren ifanc yn helpu i gefnogi gwaith WWF, y sefydliad cadwraeth annibynnol mwyaf yn y byd, sy'n gweithio yng Nghymru ac ar draws bron 100 o wledydd i amddiffyn rhywogaethau sydd mewn perygl a mynd i'r afael â bygythiadau byd-eang fel newid yn yr hinsawdd.

"Rydym yn falch iawn bod Gavin Henson wedi dewis WWF fel ei elusen ar gyfer y digwyddiad. Bydd yr arian a godir yn helpu i sicrhau bod rhywogaethau sydd mewn perygl a'u cynefinoedd yn goroesi, a bydd yn brwydro yn erbyn bygythiadau oddi wrth gemegau gwenwynig a lefelau cynyddol defnyddiaeth," meddai Morgan Parry, Pennaeth WWF Cymru.

Bydd Gavin yn cystadlu ochr yn ochr â phobl fel yr actores Catherine Zeta Jones a'i gwr Michael Douglas, y model Jodie Kidd a'r canwr Ronan Keating.

Caiff yr All Star Cup ei gyflwyno gan Terry Wogan, Kirsty Gallacher a Jamie Theakston ar Sky One dros benwythnos Gwyl Banc Awst.