Yng Nghymru mae gennym hefyd dîm bach o staff ymroddedig iawn, sy'n ymgyrchu dros amddiffyn yr amgylchedd ac yn cynnig atebion cymdeithasol ac economaidd i rai o broblemau mwyaf dybryd y dydd megis newid yn yr hinsawdd.

Yr haf hwn buom yn cymryd rhan mewn gŵyl fawr o gwmpas aber afon Hafren, a oedd yn clodfori rhyfeddodau naturiol ein hafon fwyaf ond hefyd yn rhybuddio ynghylch y bygythion iddi.

Rydym hefyd yn cynghori Llywodraeth Cynulliad Cymru ar y ffordd orau i amddiffyn a rheoli ein hamgylchedd morol, wrth i ddeddfwriaeth newydd ar ffurf Deddf Forol gael ei chyflwyno. Bu WWF yn rhannol gyfrifol am ddarbwyllo Llywodraeth y DU fod angen deddfau newydd.

Mae WWF hefyd yn cydweithio'n agos â phartneriaid: rydym yn Sioe Frenhinol Cymru gyda Ffederasiwn Cenedlaethol Sefydliad y Merched ac yn yr Eisteddfod Genedlaethol yn Abertawe gyda chynghrair Atal Anhrefn Hinsawdd, i adeiladu cefnogaeth gyhoeddus i weithredu ar newid yn yr hinsawdd.

Gobeithiwn glywed gennych yn un o ddigwyddiadau'r haf.
I gael gwybod rhagor am ein gwaith, a sut i gysylltu â ni, ewch i www.wwf.org.uk/cymru




Morgan Parry
Pennaeth WWF Cymru