Mae'r prawf ecolegol ar-lein newydd hwn – y gellir ei weld ar wwf.org.uk/calculator – yn gofyn cwestiynau syml am eich ffordd o fyw, megis pa mor aml ydych chi'n teithio dramor, sut ydych chi'n gwresogi'ch cartref a ble'r ydych chi'n prynu'ch bwyd. Wedyn mae'n cyfrifo sawl planed mae eu hangen ar gyfer eich ffordd o fyw. Yn fwy na hynny, ar ddiwedd yr holiadur mae WWF yn awgrymu ffyrdd hawdd ac ymarferol y gallwch leihau'ch effaith ar y blaned.

Ôl troed ecolegol cyfartalog person yng Nghymru yw 5.6 hectar byd-eang – maint chwe maes rygbi, yn fras. Pe bai pawb yn y byd yn cael yr effaith hon, byddai arnom ni angen 3.2 planed – ond mae hyn llawer yn fwy na chyfartaledd y byd.

Mae newid yn yr hinsawdd yn un o symptomau'r ffordd yr ydym yn gorddefnyddio adnoddau naturiol y blaned ar hyn o bryd, ond gallwn ni i gyd wneud ein rhan i arbed adnoddau a brwydro yn erbyn cynhesu byd-eang.

Os ydym ni i gyd yn defnyddio pethau mewn ffordd gallach, yn arbed ynni ac yn cwtogi ar ein gwastraff, gallwn gynhyrchu llai o garbon deuocsid a throedio'n ysgafnach ar y Ddaear.

Darllenwch ragor i gael gwybod pa bobl enwog sydd wedi cefnogi'n hymgyrch ac i weld beth fuom ni'n ei wneud mewn meysydd eraill o'n gwaith ymgyrchu.



Morgan Parry
Pennaeth WWF Cymru