Oct 2023
Pontio’r Bwlch: Ailwylltio, Ffermio A’r Her Driphlyg
Mae gan ‘ailwylltio’ lawer i’w gynnig i adfer natur yn y DU. Ond ni fydd yn cael y cyfle i gyfrannu’n arwyddocaol at fynd i’r afael â’r her driphlyg os ystyrir ei fod yn tanseilio buddiannau ffermwyr, sy’n cyflawni rôl hanfodol nid yn unig o ran cynhyrchu bwyd ond fel stiwardiaid yr amgylchedd gwledig. Oherwydd bod y term ‘ailwylltio’ wedi bod yn ddadleuol, mae llawer o gyrff anllywodraethol amgylcheddol yn y DU, gan gynnwys WWF, wedi gochel rhag ymwneud ag ef, a hynny’n ddealladwy. Ond mae diddordeb ynddo’n dal i dyfu ac nid yw’n realistig nac yn briodol ei osgoi. Mae’r papur hwn yn ymgais gan WWF i wrando ar leisiau cymunedau ffermio, cynnwys eu pryderon a’u safbwyntiau, ac ymgysylltu â mater ailwylltio mewn ffordd gyfrifol a meddylgar.